Parambanthally Shashti Mahothsavam in Mullassery
ഷഷ്ഠി പാടൂര്‍ക്കാരുടെ ഉത്സവമല്ല;എന്നാല്‍, പാടൂര്‍കാര്‍ സജീവമായി പങ്കുകൊള്ളുന്ന ഉത്സവമാണ്. ഷഷ്ഠിയുടെ അന്ന് ചെറുപ്പകാലം തൊട്ടേ ഉള്ള ഒരു ഓര്‍മ്മ, അന്ന് സ്കൂളിന് അവധിയായിരുന്നു എന്നതാണ്.ഷഷ്ഠി മഹോത്സവം നടക്കുന്നത് , പറമ്പന്തള്ളി ശിവ ക്ഷേത്രത്തിലാണെങ്കിലും, പരിസരപ്രദേശങ്ങളിലെ സ്കൂളുകള്‍ക്കെല്ലാം അന്ന് അവധിയായിരിക്കും.അതു കൊണ്ടു തന്നെ, ഷഷ്ഠി പാടൂര്‍കാര്‍ക്കും ഒരു ഉത്സവമാണ്.ചാവക്കാട് ജി-ടെകിലെ ബിനോയ് അയച്ചു തന്ന ചിത്രങ്ങളാണ് ഇവ.കണ്ടിട്ട്, അഭിപ്രായം പറയുമല്ലോ?
ഷഷ്ഠിയുടെ പ്രധാന ആകര്‍ഷണം, വൈവിധ്യമാര്‍ന്ന മനോഹരങ്ങളായ ഈ കാവടികളാണ്.ഇത് പൂക്കാവടി.
ഇത് നിലക്കാവടി: ഒരു പാട് നിലകളിലായി നിര്‍മിച്ചിരിക്കുന്ന ഇത് ഇപ്പോള്‍ കാണുമ്പോള്‍ ദോഹയിലെ ഷെരാട്ടണ്‍ ഹോട്ടലു പോലെ തോന്നും.ഇതും തലയില്‍ വച്ച് നൃത്തം ചെയ്യുന്നത് കാണുമ്പോള്‍ ശരിക്കും അന്തം വിട്ടുപോകും. കഴിഞ്ഞ ഷഷ്ഠിക്ക് ഇതിന്റെ മുകളില്‍ ഒരുപാട് പരീക്ഷണങ്ങള്‍ കണ്ടു-വൈദ്യുത ദീപങ്ങളും, സീഡി കളും കൊണ്ട് മനോഹരമായ പല അലങ്കാരങ്ങളും മറ്റും.
ഇപ്രാവശ്യം, ടാബ്ലോ ഇതു മാത്രമേ ഉള്ളൂ എന്നു തോന്നുന്നു.എന്തായാലും നന്നായിട്ടുണ്ട് - അല്ലെ?
ഷഷ്ഠിയുടെ ഒരു പ്രധാന ആചാരം: ശൂലങ്ങള്‍ ശരീരത്തില്‍ തുളച്ചിട്ടുള്ള ഈ യാത്ര, എത്ര കണ്ടാലും ആദ്യമായി കാണുന്ന ഒരു കൊച്ചു കുട്ടിയുടെ ഭയപ്പാടോടെ മാത്രം കാണാന്‍ കഴിയുന്ന കാഴ്ച്ച.വിശ്വാസത്തിന്റെ ശക്തി കാലം എത്ര കഴിഞ്ഞാലും കുറയില്ല-അല്ലെ?
3 comments:
നന്നായിട്ടുണ്ട് ചുള്ളാ. കൂടുതല്‍ ചിത്രങ്ങള്‍ ഇടുമല്ലോ..
ഷഷ്ഠിയുടെ ചിത്രങ്ങള്‍ എത്തിച്ചതിനു നന്നി.
വേഗം വൈകീട്ടാവട്ടെ.
കുട്ടമ്മേനോനേ, സുസ്മേരാ നന്ദി.പറമ്പന്തള്ളി ഷഷ്ഠിയുടെ കൂടുതല്‍ വിശേഷങ്ങളും ചിത്രങ്ങളും പെട്ടെന്ന് ഉള്‍പ്പെടുത്താം.ഇപ്പോ അല്പം പണിത്തിരക്കിലാ ട്ടാ ഗഡീ...
Post a Comment